हर्दि देखि टाँडी चोकसम्म भोली ११ हजार भोल्टको नयाँ विद्युत लाइन परीक्षण हुँदै

रत्ननगर, बैशाख ५ । नेपाल विद्युत प्राधिकरण रत्ननगर टाँडी वितरण केन्द्रले पूर्व(पश्चिम हाइवे खण्डको हर्दि चोकदेखि टाँडी चोकसम्म निर्माण गरिएको ११ हजार भोल्टको नयाँ विद्युत लाइनको परीक्षण गर्ने भएको छ।

प्राधिकरणले भोली शनिबार बिहान ११ बजेदेखि विद्युत लाइनको परीक्षण गर्न लागेको हो । परीक्षणका क्रममा विद्युतीय दुर्घटना हुन सक्ने जोखिमलाई ध्यानमा राख्दै प्राधिकरणले सर्वसाधारणलाई विद्युतीय संरचना नछुने, वरपर नहिँड्ने र कुनै पनि प्रकारले सम्पर्कमा नआउन अनुरोध गरेको छ। लाइन चुहिने, इन्सुलेटर पड्किने वा अन्य कुनै समस्या देखिएमा तुरुन्त सम्पर्क गर्न सुचनामा भनिएको छ ।

सम्पर्कको लागि तुलसी प्रसाद देवकोटा को मोबाइल नम्बर ९८४५१५५०६० टाँडी नो(लाइट को सम्पर्क नम्बर ९८५५०६११६६,भण्डारा नो-लाइट नम्बर ०५६-५५०३६६ र कल सेन्टर हटलाइन ११५० (८) मा सम्पर्क गर्न सकिने प्राधिकरणको सुचनामा उल्लेख छ । परीक्षणका लागि केही समय विद्युत अवरुद्ध हुन सक्ने र यसबाट पर्ने असुविधाप्रति प्राधिकरणले क्षमायाचना गरेको छ।