नेकपा एमालेका अध्यक्ष केपी शर्मा ओली आफ्नो गृहजिल्ला झापामा बालेन्द्र शाह पनि झापा आउदै

झापा । नेकपा एमालेका अध्यक्ष केपी शर्मा ओली आफ्नो गृहजिल्ला झापा पुगेका छन्। ओली आज बिहान हवाईमार्गमार्फत भद्रपुर विमानस्थलमा अवतरण गरे। आगामी फागुन २१ गते हुने प्रतिनिधिसभा निर्वाचनमा ओली झापा ५ बाट उम्मेदवार बन्ने तयारीमा छन्। यसै क्रममा उनी चुनावी प्रचारप्रसारका लागि जिल्लामा रहेका विभिन्न स्थानहरूमा भेटघाट र बैठकहरू आयोजना गर्ने योजना बनाएका छन्।
ओलीसँगै राष्ट्रिय स्वतन्त्र पार्टी (रास्वपा) का वरिष्ठ नेता बालेन्द्र शाह (बालेन) पनि आज झापा आउने कार्यक्रम तय भएको छ। बालेनको उम्मेदवारी झापा क्षेत्रबाट पक्का भइसकेको छ र उनले चुनावी प्रचारप्रसारका लागि विभिन्न कार्यक्रमहरूमा भाग लिनेछन्। रास्वपाका अनुसार, बालेन जनकपुरमा आयोजित सभालाई सम्बोधन गरेपछि झापा प्रस्थान गर्नेछन्।
यसैबीच, झापा जिल्लामा चुनावी माहोल बढ्दो छ। दुवै नेता ओली र बालेनको आगमनले यहाँका राजनीतिक गतिविधिहरूलाई तिव्रता दिने देखिन्छ। आगामी दिनहरूमा यो प्रतिस्पर्धा थप रोचक र रोमाञ्चक बन्ने अनुमान गरिएको छ।