चिल्ड्रेन गार्डेन हल्दीबारी ३ मा अभिषेक खतिवडाको नेतृत्वमा पूर्व विद्यार्थीहरूको तदर्थ समिति गठन

हल्दिबारी गाउँपालिका वडा नं ३ स्थित चिल्ड्रेन गार्डेन अङ्ग्रेजी माध्यमिक विद्यालयमा हिजो सम्पन्न एक विशेष भेलाले विद्यालयका पूर्व विद्यार्थीहरूलाई एउटै मञ्चमा एकताबद्ध गरेको छ।

विद्यालयको पहलमा आयोजित पूर्व विद्यार्थी पुनर्मिलन तथा परिचय कार्यक्रमबाट अभिषेक खतिवडाको संयोजकत्वमा ११ सदस्यीय तदर्थ समिति सर्वसम्मत रूपमा गठन गरिएको हो।
समितिको उपाध्यक्षमा अम्बिका भट्टराई चयन हुनुभएको छ भने सचिवमा टीकाराम ढकाल, कोषाध्यक्षमा सीता अधिकारी र सह–सचिवमा कृतिम पोखरेल चयन हुनुभएको छ। यस्तै सदस्यहरूमा आशिष खरेल, अर्पण गिरी, चिरन ढङ्गेल, प्रमिला आचार्य, अञ्जना मण्डल र सन्तोष गिरी रहनुभएको छ।
नवगठित समितिले विद्यालयसँगको सम्बन्धलाई अझ सुदृढ बनाउँदै पूर्व विद्यार्थीहरूबीच आपसी समन्वय, नियमित भेटघाट, सामाजिक सहभागिता तथा विद्यालय–समुदाय केन्द्रित सकारात्मक गतिविधिहरू सञ्चालन गर्ने उद्देश्य लिएको अध्यक्ष अभिषेक खतिवडाले बताउनुभएको छ।
कार्यक्रम विद्यालयका प्रिन्सिपल दुर्गामणि गौतमको अध्यक्षतामा सम्पन्न भएको थियो भने कार्यक्रमको सञ्चालन तथा सहजीकरण शिक्षक खिवराज भट्टराईले गर्नुभएको थियो।