हल्दिबारी जेसीजद्वारा खाधसामग्री वितरण

हल्दीबारी झापा । हल्दीबारी जेसीजको स्थापना दिवस तथा अन्तर्राष्ट्रिय महिला दिवसको अवसरमा हल्दिबारी जेसीजले बिर्तामोडस्थित तारा नमस्ते बालग्राममा आश्रित अभिभावकविहीन बालबालिकालाई खाद्य सामग्री वितरण गरेको छ।

बिर्तामोडमा आयोजित कार्यक्रममा बालग्राममा रहेका साना नानीबाबुहरूलाई आवश्यक खाद्यान्न सामग्री प्रदान गर्नुका साथै उनीहरूसँगै केक काटेर खुसी साटासाट गरिएको थियो। कार्यक्रममा सहभागीहरूले बालबालिकासँग समय बिताउँदै उनीहरूलाई हौसला र मायाको अनुभूति दिलाएका थिए।
सामाजिक उत्तरदायित्वअन्तर्गत आयोजना गरिएको उक्त कार्यक्रममार्फत अभिभावकविहीन बालबालिकालाई सानो सहयोग गर्न पाएकोमा हल्दिबारी जेसीजका पदाधिकारीहरूले खुशी व्यक्त गरेका छन्। समाजमा रहेका असहाय तथा अभिभावकविहीन बालबालिकाको संरक्षण र सहयोगका लागि यस्ता मानवीय कार्यक्रमहरू आगामी दिनहरूमा पनि निरन्तरता दिने प्रतिबद्धता संस्थाले जनाएको छ।

हल्दिबारी जेसीजका २०२६ का अध्यक्ष नितेस खरेलले समाजमा रहेका असहाय तथा अभिभावकविहीन बालबालिकाप्रति सबैले संवेदनशील हुनुपर्ने बताउँदै संस्थाले आगामी दिनहरूमा पनि यस्ता सामाजिक तथा मानवीय कार्यक्रमहरूलाई निरन्तरता दिने बताए।
कार्यक्रमको अन्त्यमा उपस्थित सबैले अन्तर्राष्ट्रिय महिला दिवसको अवसरमा सम्पूर्ण दिदीबहिनीहरूमा शुभकामना व्यक्त गरेका थिए।