अयोजक भद्रपुर लाई हराउदै हल्दीबारी भेट्रान्स सेमिफाईनलमा प्रवेश

भद्रपुर झापा । झापा भद्रपुर ३ स्थित मेची खोलाको मैदानमा फर्कियो जोवन एफ.सी. द्वारा सञ्चालित भेट्रान्स कप अन्तर्गत आज सम्पन्न खेलमा हल्दीबारी भेट्रान्सले आयोजक फर्कियो जोवन एफ.सी. लाई १–० गोल अन्तरले पराजित गर्दै सेमिफाइनलमा स्थान बनाएको छ।
५० मिनेटको खेल समयमा पहिलो हाफ ०–० को बराबरीमा सकिएको थियो। खेलको दोस्रो हाफमा हल्दीबारीले आक्रामक खेल प्रस्तुत गर्दै दबाब बढाएको थियो। सोही क्रममा जर्सी नम्बर १७ का खेलाडी सन्त ब. लिम्बूले निर्णायक गोल गर्दै टोलीलाई अग्रता दिलाए।
त्यसपछि दुवै टोलीबीच थप गोलका अवसर सिर्जना भए पनि हल्दीबारीले आफ्नो अग्रता जोगाउँदै खेल आफ्नो पक्षमा पार्न सफल भयो।

उत्कृष्ट प्रदर्शन गर्दै टोलीलाई जित दिलाएका सन्त ब. लिम्बू नै म्यान अफ द म्याच घोषित भए। उक्त पुरस्कार भद्रपुर–३ का वडा अध्यक्ष सन्त कु कार्की तथा हल्दीबारी गाउँपालिका वडा नं. ४ का अध्यक्ष एवं हल्दीबारी गाउँपालिकाका खेलकुद संयोजक सन्त कु थापाले संयुक्त रूपमा वितरण गर्नु भएको थियो।

उक्त प्रतियोगिताको विजेताले ३० हजार रुपैयाँ नगदसहित ट्रफी र मेडल प्राप्त गर्नेछ भने उपविजेताले २० हजार रुपैयाँ नगदसहित ट्रफी र मेडल प्राप्त गर्ने आयोजकले जनाएको छ। साथै, उक्त खेलमा सहभागी सम्पूर्ण खेलाडीहरूको खाजा व्यवस्थापन भद्रपुर नगरपालिका–३ का वडा अध्यक्ष सन्त कु कार्कीले सौजन्य गर्ने आयोजकले जानकारी दिएका छन्।
प्रतियोगिताको सेमिफाइनल खेल भोलि हुने आयोजकले जनाएको छ।